Jab mere haanthon me tera haanth aa jaata hai,
ye dil bas tere hi khayaalon me kho jaata hai.
jab bhi teri aankhon ke mahkhane se peeta hoon,
khumaari se jaane kyon ye dam nikalta jaata hai.
jab teri ek muskurahat hi aati hai honthon talak,
use dekhte hi mera har zakhm sanwar jaata hai.
kabhi bharam dilata hai wo mujhe apna hone ka,
kabhi ek pal me hi bahot door chala jaata hai.
kahoon ye kaise ki wo mere liye kya hai 'shaad',
ki sochoon bhi to dil se bas khuda nikal jaata hai.
No comments:
Post a Comment