Kya Karoon Abb Koi Bhi Acha Nahin Lagta Mujhey
Tu Bhi Pehley Ki Tarha Apna Nahin Lagta Mujhey

Abb Teri Baatein Mairey Dil Mein Utarti Hi Nahin
Tu Woh Hi Hai Par Tera Lehja Nahin Lagta Mujhey

Tu To Abb Aadhey Badan Say Saath Chalta Hai Mairey
Terey Shaanon Pay Tera Chehra Nahin Lagta Mujhey

Tu Kabhi Taqseem Karta Tha Hawaein Chaar Soo
Abb Terey Bhi Paas Ekk Jhonka Nahin Lagta Mujhey

Abb Lifaafey Say Teri Khushboo Nahin Aata Mujhey
Khat Bhi Terey Haath Ka Likha Nahin Lagta Mujhey